تابعونا عبر Facebook
تابعونا عبر Twitter
     





2 مشترك
 السبت 05 مايو 2018, 15:06
عضو مشارك
عضو مشارك
طبيبة زينب

الجنس : انثى
المشاركات : 378
تقييم المستوى : 51


افتراضينظرة شاملة حول برنامج الثالثة ثانوي في جميع المواد ~ اشبال بكالوريا 2018

السلام عليكم ورحمة الله وبركاته


كيف حالكم نتمنى تكونوا بخير :8590:
قررت ان اضع هذا الموضوع لتعم الفائدة أردت أن اشارككم
و هذا موضوع لاختنا نسائم الصباح جزاها الله خيرا
نعتذر لان الشرح باللغة الدارجة المراد أن تصل الفكرة
بطريقة مبسطة واي خطأ كتابي اعذرونا
واي استفسار فطلاب باك 2017 في المساعدة
او اضافة لتفيدوا بها اخوتكم  :85-:


:2705: ابدا بالمواد الادبية واللغات



 السبت 05 مايو 2018, 15:07
عضو مشارك
عضو مشارك
طبيبة زينب

الجنس : انثى
المشاركات : 378
تقييم المستوى : 51


افتراضيرد: نظرة شاملة حول برنامج الثالثة ثانوي في جميع المواد ~ اشبال بكالوريا 2018

:23488:
~الأدب : ~
الادب نحبها بزااف برنامج هذا العام رااائع بمعنى الكلمة
الاول حاجة نبداوبيها هي الشعر العباسي في عصر الضعف في هذا العصر الناس ولات تهتم بالمظهر وتنسى المعنى هذي من جيهة ومن جيهة اخرى ثان بقى كاين شعر الزهد خطر الاتراك والفرس دخلو على الحكم وهوما غرباء على البيئة العربية ملا جابوا العادات لي كاينة عندهم وحاولو يغرسوها
وكيما نعرفو انو العلم ازدهر في العصر العباسي ملا حبو هوما يولو يحفظو هذا العلم عن طريق قصائد هي المتن وهي قصائد فيها القواعد يكون الحفظ تاعها ساهل ويرسخ في الذهن كاين تاع النحو الصرف واذا تعرفيهم نقراوهم في احكام التجويد كاين مثلا متن الجمزوري تاع الاحكام التجويد اذا كنتي قارية في الجامع وثان ظهر النثر والنثر متمثل في ابن خلدون مؤسس علم الاجتماع وكتابو المقدمة مليان بالنصوص النثرية المهمة خاصة في موضوع التأريخ ابن خلدون كان اسلوب تاعو مباشر في نفس الوقت جميل اتسم بالموضوعية ...الخ

نروحوللعصر الحديث جاء المذهب الرومانسي ايليا ابو ماضي ميخائئل نعيمة و جبران خليل جبران هاذو كانو شعراء مهجرييين الرومانسية هذا المذهب يهتم بالنزعة الانسانية الحنين للوطن القيم الاخلاق اللجوء للطبيعة فيهم نغمة حزن بداو يتساهلو شوية في الالفاظ حتى احيانا وقعوا في الخطا هو هذا المحورهايل بصح الاسئلة شوية صعيبة خطر الشعر يغوص في التفاصيل الانسانية وهنا انا وين كنت نغلط خطر كنت شوية نخرج عن الموضوع طاحت ثان واحد الاستاذة ربي يحفظها هي هايلة بصح مزيرة الفصل الاول دارتلنا قصيدة مليحة تاع ايليا ابو ماضي على النهر راكي ايحة تشوفيها خطر مكررة شوية بصح زيرتنا في التصحيح ديت عندها 11 ومنها بديت نكره الادب في هذا العصر بدا شوي تجديد في القصيدة بصح بقات محافظة على نظام الشطرين
ومبعد نقراو على شعر السياسي والجتماعي الشعر الاجتماعي عدنا معرووف الرصافي كان يحكي على الوضعية تاع شعبو و داير بزاف قصائد على الفقر اليتم ...الخ
والشعر السياسي هاذا رووعة وبما اني عندي توجهات سياسية ههههه لقت روحي في هذا المجال نقروا على الثورة الجزائرية وهنانلقاو النزعة الوطنية عند مفدي زكريا وكاين نزعة قومية كي يعود الشاعر يحكي عي بلاد ميش بلادو مثلا خليل العيسى يمجد في الثورة الجزائرية ولا نزار قباني يحكي على جميلة بوحيرد مثلا
ومبعد كاين القضية الفلسطينية محمود درويش بالدرجة الاولى روووعة قصائدو وزيد كل ميكون واحد عندو ميول اتجاه القضية الفلسطينية يلقى روحو والحمد لله انا كنت على اطلاع بالقضية الفلسطينية ادبيا وتاريخيا وسشنو قارية روايات تحبي عندك غسان كنفاني وروايات رضوى عاشور خاصة الطنطورية ورواية سوزان العلى بينما ينام العالم القضية بالتفصيل وزيد ثان الجزيرة وثائقية انا هذا كان السر تاعي

في هذا العصر بدا التجديد وظهر مذهب الرمزية لي يعتمدو على الرمز مثلا ايوب كي يذكرو في قصيدتو معناه الصبر وهكذا وزيد الوحدة العضوية والوحدة الموضوعية وثان بدا الشعر الحر اول قصيدة حرة دارتها نازك الملائكة الكوليرا وزيد ثان ولاو ينوعو في التفعيلات

هذا بخصوص الشعر
النثر اهملتو صراحة بصح موش صعيب تقراو على توفيق الحكيم طه حسين البشير براهيمي وهاذو تاع الواقعية كانو ينقلو الواقع المعاش اسئلة سهلة خطر كامل المقال وزيد فيهم حوايج باينة النمط ديما تفسيري ولا حجاجي بصح يزيرو في التصحيح نقراو ثان المسرحيةوالقصة كانو متوقعينها هذا العام تجي بصح جا النثر على تاريخها

بخصوص البلاغة نقراو المجاز العقلي والمرسل وبلاغة الكناية والتشبيه والاستعارة حوايج ساهلة
والقواعد نقراو اذ واذا واذن ولولا لوما لو ، الحال والتمييز الجمل التي لامحل لها من الاعراب الخبر حوايج ساهلة ميش صعيبة
عليك بالتمكن من البناء الفكري خطر هو لي عليه النقاط 12 نقطة اما البقية قواعد احفظي وطبقي
في الباك كنت طامعة شعر سياسي والحمدلله جانا على اول نوفمبر ميش حاجة صعيبة نتي برك حاولي انك تقراي هذا العطلة كتب وروايات قد ماكانت عندك لغة مليحة قد ما وصلتي بعيد خطر احيانا في الشعر متعودش عندك الفكرة بالضبط بصح كون تقعدي تحوري فيها باسلوب جميل تقدري تربحي نقاط
حلي المواضيع قد ماتقدري قصح تتعبي تقولي وش هذا بصح تحسي رووحك ولا عندك منطق في الاجابة وتعرفي انك تحللي مواضيع

حنا استذتنا شاعرة وزوجها شاعر قتلك الفصل الاول مستعرفتش حتى بورقتي بالعكس قعدت تقولي 11 راكي هايلة معايا الفصل الاخير صح حاولت قد ما قدرت جبت عندها 18 مع انو الموضوع مكانش الاول صعب والثاني ساهل هي قضية اسلوب الاجابة برك حسنتها




 السبت 05 مايو 2018, 15:08
عضو مشارك
عضو مشارك
طبيبة زينب

الجنس : انثى
المشاركات : 378
تقييم المستوى : 51


افتراضيرد: نظرة شاملة حول برنامج الثالثة ثانوي في جميع المواد ~ اشبال بكالوريا 2018

:32-02:
~اللغات ~ :
آسفة كذلك استعمالي اللغة الدارجة
بخصوص الفرنسية كيفاه راه البرنامج :
le texte historique الوحدة الاولى تتحدث عن التاريخ وتتحدث بززااف على الاحداث التاريخية تاع الثورة وكاين ثان أحداث تاريخية وحد أخرى كيما مثلا قصة اكاش اختراع حكاية كرة القدم وهكذا ... وفيها جزئين يااما بيكون حدث تاريخي موضوعي المؤرخ هو يتكلم عليه يا اما يكون شهادة يقولولو témoignage الثاني موش موضوعي هذا العام القواعد متقراوش بزاف تسما القواعد لي قاريتهم بكري انا عن ننفسي جبت كراس تاع الرابعة متوسط قريت فيه كل ماعليك تكوني رصيد لغوي في هذي الوحدة يعني مثلا ثورة جيبي عليهى بزااف مفردات بالفرونسي واحفظيهم مدامك ضركا فارغةشغل وماعندكش وش يلهيك في الباك طاحلنا فيدال كاسترو كان متوقع جدا الحكمة انك تفهمي على واش راه يهدر النص كفاااية تقدري تحلي الاسئلة خطر اسئلة القواعد يكون سؤال واحد برك البقية كامل على النص بالاضافة ثان رايح يعونك برنامج التاريخ لهذا العام خطر هو ثان يحكي على ذيك الفترة وثان ساعات يقولوك مثلا الوضعية الادماجية في الفرنسية احكي على اوضاع الجزائريين مثلا مابين 1954 و 1956 لازم يعود عندك ثقافة وممكن يقولك احكي على حدث تاريخي
ثاني حاجة الوحدة الثانية النص الحجاجي وهي ثان منقسمة لقسمين كاين جزء يكون يتحدث فيه على موضوع واحد une seule thèse ويكون الكاتب ياما يدافع ولا ينقد بحجج تاوعو نفس النص الحجاجي لي قريتوه العام لي فات ويتناولو هذا المجال تسما كامل المواضيع لي ممكن تتطرح بصح انا كنت متوقعة العام لي فات يطيحلنا على السلم ولا الاسلحة بصح طاح على الهجرة وكاين جزء ثاني وهو يكون النص فيه رايين مختلفين كل واحد يقول رايو ومبعد الكاتب يحدد الراي تاعو نفس الطريقة الجدلية تاع الفلسفة النص الحجاجي ساهل قريناه في الرابعة متوسط وزدنا قريناه العام لي فات يعني اسلوب باين تبقى قضية يكون عندك رصيد لغوي اغتنمي الفرصة في هاذي العطلة ديري كناش وتقدري من ضركا تحلي مواضيع المقترحة خطر مكانش حاجة جديدة
ثالث وحدة هي l'appel نداء مثلا تكون وضعية سيئة في اي مجال مثلا التلوث يبدا النص يحكي فيه الكاتب بهاذي الوضعية ومبعد يقدم حجج تاع تغيير هاذي الوضعية ومبعد يدير النداء تاعو هاذي هي بنية النص ميش مالف يطيح خطر جاي في الاخير بصح ساهل يعني فيه افكار النص الحجاجي

نصيحتي الاولى والاهم كوني رصيد لغوي في هذه المادة في هذا الصيف
لوكان يعاونك الوقت تقدري تكمليها كامل ضركا في شهرين هي والانجليزية وتدخلي عامك مرتاحة ونتي مكملة زوج مواد
الدروس تاع القواعد الاستاذ موش رايح يديرلك كامل ملا لازمة تكوني عندك فكرة عليهم مراجعة وش قارية
كاين ثان الحاجة المكررة هي وجود الكاتب في النص اذا راهو الكاتب حاضر ولا لالا واذا حضورو مباشر ولا غير مباشر وعلامات الحضور وعدمه ثاني اتعلميه
le compte rendu objectif اتعلميه وتعلمي التلخيص في نفس الوقت متعتمديش عليه كلية خاصة في العام يعيني في الامتحانات جربي التعبير الحر على الاقل شوفي مستواك وتنقيط الاستاذ عليه ومنهجية خطر بزااف نصحوني اتجنبيه في الباك والحمد لله طاحت فقرة ساهلة rendre hommage نشفالها قرينا من الثالثة متوسط وزيد عاونتني التاريخ والحمد لله خطر الاستاذ المصحح ديما يلقة le compte rendu وكي يلقى تعبير حر رايحة يقدر ورقتك خطر ملجاتيش الحاجة الساهلةودرتي مجهود
متخلعكش كامل هذي المادة خطر لازم ديريها مادة مساعدة تعاوني رووحك بيها



 السبت 05 مايو 2018, 15:08
عضو مشارك
عضو مشارك
طبيبة زينب

الجنس : انثى
المشاركات : 378
تقييم المستوى : 51


افتراضيرد: نظرة شاملة حول برنامج الثالثة ثانوي في جميع المواد ~ اشبال بكالوريا 2018

:33_20e3:
الإنجليزية :
 مادة سهلة ، ممتعة برنامج شامل يتناول بعض ما درسناه في السنةالسابقة مقسم ل 4 مجالات
المجال الاول يتحدث عن الاخلاق في العمل ethics in business فيه يهدرو على اهم الجرائم لي كاينة الرشوة غسيل الاموال الاحتيال الغش تقليد السلع عمالة الاطفال ...الخ يعني كامل انواع الفساد في نفس الوقت نقراو دورالاخلاق في العمل وحدة ساهلة صح ممكن كلمات جديدة تتعلميهم مكيش رايح تحتاجي لمجهود اتعملي تكتبي فقرات فيهم وثان الجدول تاع noun verb adjectif تقراو قواعد تاع wishes . passive and active form .so that and such that ..... استعملي الكتاب المدرسي وامشيه صفحة صفحة خطر صح تلقاي كلش فيه وكيما قتلك اتعلمي اكتبي فقرات على كل ظاهرة من الظواهر راكي رايحة تلقاي اسلوبك يتحسن انا كنت ندير ملخصات على الفقرات مثلا يعني في كل موضوع نجبد اهم الافكار تعابير زينة مقولات كاش مرادف مليح ومن ذاك نطل عليهم
المجال الثاني food safty and advertising يحكب على الاعلانات سلبيات ايجابيات ودورها في المجتمع على الطفل و الثقافة الاستهلاكية تاع الفرد من ناحية الغذاء نحكو ثان على العادات واتلتقاليد كيفاش تغيرو اساليب الحياة ثان نحكو على انواع الاغذية الصحية المعلبة العضوية ...الخ هاذو اهم المواضيع لي كاينين ولي مازالني متفكرتهم هههه بخصوص القواعدج ثان نقراو consequence cause concession ثان countable and uncountable مفيهاش بزااف ساهلين قواعد الانجليزية مجرد حفظ تطبيق تثبتلك بخصوص phonetics كاين stress final s nad final ed
المجال الثالث يحكي على solar system يحكي على الاقمار الصناعية ثان اهميتها المذنبات المجرات اهمية الرحلات الفضائية سلبيات وايجابيات ممتعة تتعلمي مصطلحات جديدة عليك اسماء الكواكب مفيهاش بززاف القواعد اهمها تاع الصفات اكبر اصغر متشابهان هكاك المقارنة comparison لي قارينهم في المتوسط حاجة ساهلة خطر نستعملوبزااف المقارنة بين الكواكب ظروووف النشأة وامكانية العيش ...الخ
المجال الرابع ولي عمرو ماطاح في الباك يحكي على المشاعر والاحاسيس انا صح صح عجبني بصح مطولناش فيه دينا نظرة خفيففففففففففففففة على ما اعتقد القواعد هي قرينا الافعال لي متتصرفش في continuous برك

المهم برنامج الانجليزية متنوع فيه كلش كيما قتلك على جدول تاع التصريف ذاك احفظيه
الفقرات كوني رصيد لغوي ومثلما قلت لك استعملي الملخصات فكرة جيدة احسن من ان تحفظي الفقرات
اطلعي على مواقع اجنبية ساعدني هذا الامر كثيرا
اغتنمي العطلة قد ما تقدري في المواد الادبية نصيحة انا بديت انجليزية في الصيف



 السبت 05 مايو 2018, 15:09
عضو مشارك
عضو مشارك
طبيبة زينب

الجنس : انثى
المشاركات : 378
تقييم المستوى : 51


افتراضيرد: نظرة شاملة حول برنامج الثالثة ثانوي في جميع المواد ~ اشبال بكالوريا 2018

:34_20e3:
الفلسفة

مادة جديدة شيقة مجرد انك تحبيها رايحة تلقاي رووحك استاذنا كان يحب النقاش ويعطيلنا مساحة حرية الامر لي خلاني نحب المادة ليست مادة حفظ هي مادة تعتمد على الفهم بالدرجة الاولى تعرفي الموضوع على واش راه يهدر الحفظ يكون في اسماء الفلاسفة و المقولات تاعهم مع انها دارتلي صدمة نهار الباك طاحو مواضيع صعاب الا اني مزال نحبها وحابة نرجع نقراها

نحكيلكم على الوحدات لي كاينين موش وحدات اشكاليات والوضعيات يقولوهم مشكلات
الوحدة الاولى تسما الفلسفة والعلم تقراو على الفرق بين السؤال العلمي والسؤال الفلسفي انواع الاسئلة اهمية الفلسفة المشكلة والاشكالية هل لكل سؤال جواب مقالات ساهلة مفيهش بزااف صوالح مكانش اقوال بزااف اغلب مقالات يجو مقارنة وهي منهجية ساهلة
الوحدة الثانية وحدة صعيبة نوعا ما اتعبتني صح خاصة و ان الدرووس لا تخدم المقالات وهي تنطبق لقسمين انطباق الفكر مع نفسه وانطباق الفكر مع الواقع اي المنطق الصوري والمنطق المادي المنطق الصوري صعب شوية وكيما قتلك العناصر تاع الدرس متخدمش بززااف المقالة خطر صعاب لانو المنطق عندو مقالة وحدة هل المنطق عقيم ومكيش محتاجة تدخلي في التفاصيل الكاينة في الدرس وعدنا ثان المنطق المادي هو الاستقراء تسما التجربة نحكيو عليها سااهل مفيهش مقالات بززاف ثان
الوحدة الممتعة هي فلسفة العلوم اروووع ما يكون نبداوها بالرياضيات رائعة بمعنى الكلمة زاد حبي للرياضات الضعف نهار لي قريناها مع انها فيها جزئين برك الاصل تاع الرياضات والنتائج والدروس جايين على شكل مقالات قريتها بزااف خطر كان المرشح الاول تاع الباك بصح الله غالب تسرب المواضيع ودارولنا مقالات مكنوش كامل متوقعين ومبعد كاين العلوم التجريبية ثان ممتعة تقراو على المنهج التجريبي الحتمية المادة الحية والجامدة والصعوبات ومبعد العلوم الانسانية التاريخ وعلم الاجتماع وعلمالنفس ثان تقراو امكناية تطبيق المنهج التجريبي عليهم العوائق وكيفية تجاوز العوائق
الوحدة لي بعد هايلة الاستاذ كان يقولونا غي لوكان داروها من الاول خطر هاذي الوحدة تناقش نفس الانسان خير ما يتعقد الواحد من المنطق ويكره مبعد الفلسفة ملا هذي الزوحدة فيها الشعوربالاناوالشعور بالغير يعني اذا الانسان يعرف الذات التاعو من نفسو او انطلاقا من الغير درس روووعة بمعنى الكلمة برك المقالة تاعو شوية طويلة ومبعد نقراو الحرية والمسؤوولية درس زين ثان حجم المناقشة فيه كان كبير خاصة الانسان هل هوحر ام مقيد هذا الجزء هدرنا فيه بزااف بصح كي تجملي المقالة تجيك شوية صعيبة الحرية والمسؤولية

بعد الحرية المسؤولية كاين درس العنف والتسامح درس رائع خطر توظف فيه ثقافتك الاسلامية فيه مقالة وحدة برك حول مبررات العنف نادرا ما يوصلولو الاساتذة

اهم النصائح وكيفية التعامل مع المادة
مادة رائعة متخوفكمش خلاص خطر صح تخليك منطقي تعرف وش تهدر تخرج كامل وش راسك وقتلكم انو كان استاذنا يعطينا مساحة نعبرو فيها يعني والله من جد تولي تحب المادة لدرجة لا توصف قتلكم
اول حاجة نتوما افهموا الدرس واعرفوا مقالات تاع كل درس لي ممكن طيح خطر راهم باينين ساهلة ومبعد اجبدوا مراجع كتب ومقالات اقوال فلاسفة يعني صح خدمة طويلة ولكن ممتعة وحضروا هكا ملخصات مراجعة اكتبوا اهم الملاحظات الحجج اقوال الفلاسفة تعبير مليح فكرة اي حاجة لكل مقالة ومبعد جرب انطلاقا من الملاحظات اكتب المقالة تاعك
وهاك تكون متعلم المنهجيات كاين اربع منهجيات وحدة محذوفة هوما مقارنة جدل استقصاء بالوضع
الكتاب المدرسي ثم الكتاب المدرسي رااائع بمعنى الكلمة انا صح كنت منحملش نشوفو نحسو معقد بصح في الايام الاخيرة عضو في المنتدى نصحنا بيه صح قمة فيه كلش تستعين بيه في كتابة المقالات
انتبهوا للاستاذ وتم الحظر ملاحظات يعني احيانا يقول استاذ حوايج رايحة تفيدك بزااف في كيفية تشكيل الراي الشخصي خطر الراي الشخصي موجود في منهجية الجدل والاستقصاء
منهجية تحليل النص غي طلوا عليها كيما قتلكم المقالات تاع هاذو العام مكانوش متوقعين بصح النص ساهل على المنهج التجربيبي على المادة الحية وساهلة ميش صعيبة انا كنت عمري منعرف المنهجية صح ومكنتش دايرتها في بالي بصح لازملكم كحل اضطراري وباش نكون صريحة صح استاذنا كان يصر على تحليل النصوص عام كامل حللنا في كل وضعية درس بصح انا مكنتش ننتبهلو وهاذي وحدة من اخطائي لي رايحة نحكيلكم عليها
اقوال الفلاسفة قد ما تكثروا قد ما راح ينفعكم خطر رايحة تدعم مقالتك وتكسب نقاط بزااف
التوقعات بلاكم ديروا عليها اقراو كلش صح تجيكم الحالة صعيبةمن ناحية الوقت نتوما برك تجنبوا تضيع الوقت وابداو من اول يوم اقراو المادة ميش حتا الاخير تولو تحفظوا في المقالات
عمري ما حفظت مقالة هذا العام بصح استعنت بيهم كنت نراجعهم نقراهم من ذاك كي يعود عندي فرااغ كان صح عندي بزااف المقالات بيهمما ننساش المنهجية وممكن تعبير مليح ولا طريقة طرح الاشكال كانت زينة ومبعد ملا نشفا ونوظفها في المقالات تاوعي
تعلمو تكتبو مقالات انا صح كان يدي الوقت 3 ساعات مثلا بصح النتيجة كانت مرضية جدا في الفصول

وبخصوص كلامي حول الباك لا تاخذوه بجد فقط كنت متعصبة فقط نصيحتي اقراو كلش ومتضعيوش كامل الوقت وخاصة مع ذي المادة رايحين تلقاوها صح متنفس ميش كيما المواد العلمية




 السبت 05 مايو 2018, 15:11
عضو مشارك
عضو مشارك
طبيبة زينب

الجنس : انثى
المشاركات : 378
تقييم المستوى : 51


افتراضيرد: نظرة شاملة حول برنامج الثالثة ثانوي في جميع المواد ~ اشبال بكالوريا 2018

مواد الحفظ
إجتماعيات
:35_20e3: تاريخ :

منقسم لثلاث وحدات
الوحدة الاولى تحكي على الحرب الباردة وحدة سهلة الحفظ ممتعة تخليك تدي نظرة على الاسباب لي خلات العولمة تتوسع في السنوات الاخيرة ننصحكم بمتابعة الافلام الوثائقية حولها روووعة راك رايح تزيدتتثقف اتعامل مع المادة ميش انها مادة حفظ تعامل معاها على انها ثقافة رايحة تساعد في تكوين شخصيتك
الوحدة الثانية الثورة الجزائرية نفسها تاع الرابعة متوسط تسما اعادة برك تتعاود تتفكر التواريخ والاحداث ثان سهلة
الوحدة الثالثة تحكي على حركات التحرر في العالم الثالث فيها درسين درس لى حركات التحرر ودرس على القضية الفلسطينية وحدة ديما ما طيحش حنا هذا العام مدولنا برك ملخصات عليها

:36_20e3: الجغرافيا
نقراو على العالم المتقددم والمتخلف في الوحدة الاولى
الوحدة الثانية نقراو على القوى الاقتصادية الثلاث الاتحاد الاوربي امريكا اقليم جنوب شرق اسيا
الوحدة الثالثة نقراو على نماذج من العالم الثالث الجزائر والبرازيل
دروس سهلة متحتاجش جهد باش تتحفظ برك نتوما احفظوا وراجعوا خطر انا كانت غلطتي كملت بكري ماود الحفظ بصح مبعد طولت مرجعت ليهم منسيتهمش كامل بصح استحقيت جهد باش نعاود نستذكر
اختارو مرجع واحد ولا كراس واحد احفظوا منو ومتخلطوش على رواحكم المراجع
اغتنموا هذا الوقت وتفرجو افلام وثائقية تنفعكم بزااف في التاريخ
كاش مصطلح وحاجة جديدة غي دونها وحاول نتحفظها

:37_20e3: الشريعة
حفظ فقط هذا وش رايحة نقوللكم فيها نسيت ترتيب الدروس على ما اظن 19 درس موش بزااف سهلة الحفظ
هذا العام وظفوا جزء تطبيقي يعني يعني مسالة ما وانت تفتي فيها حلال ولا حرام وهكا
نفس نصيحة الاجتماعيات اعتمدوا على مرجع واحد متخلطوش على رواحكم



 السبت 05 مايو 2018, 15:12
عضو مشارك
عضو مشارك
طبيبة زينب

الجنس : انثى
المشاركات : 378
تقييم المستوى : 51


افتراضيرد: نظرة شاملة حول برنامج الثالثة ثانوي في جميع المواد ~ اشبال بكالوريا 2018

:38_20e3:
الفيزياء
برنامج متنوع شامل كامل فيه كلش افكارو هايلين موش صعيب مجرد انك تتمرن على حل الافكار تلقى رووحك بزااف في هذي المادة

الوحدة الاولى متابعة تطور تفاعل كيميائي هنا نقراو على المتابعة تاع التفاعلات التامة لي هوما اكسدة اررجاع والمتابعة هذي تتم اما عن طريق المعايرة ، قياس حجم الغاز المنطلق ، قياس الناقلية ، قياس الضغط ... طبيعة الاسئلة مكررة المعادلات جدول التقدم التقدم الاعظمي المتفاعل المحد ... وكيما قتلكم الوحدة هدفها المتابعة معناتها نعرفو قيمة التقدم في كل لحظة ملا نجبدو علاقة تمكنا من قياس الكمية عند كل لحظة ونعمرو جدول ونرسمو منحنى ومبعد حاجة جديدة نحسبو سرعة التفاعل وذلك عن طريق الاشتقاقية ومبعد من نديرو هذو تمسا رانا درنا دراسة تجريبية ونقدرو نحدو طبيعة التفاعل اذا سريع ولا بطيء ونشوفو اذا نسرعوه هاذي فكرة على كفاه التمارين راها تتقدم كاين ثان في الوحدة مفاهيم تحفظوهم

الوحدة الثانية النووي وحدة جديدة ونظن بلي اسهل وحدة منقسمة جزئين جزء تاع النشاط الاشعاعي والتأريخ نقراو فيه التحولات النووية الفا بيتا + بيتا - و قاما ومبعد النشاط الاشعاعي نعرفو عدد الانوية المتبقية في العينة مع مرور الوقت نحتاجو فيه الدالة الاسية والدالة اللوغاريتمية النيبيرية نتعلمو نستعملو البيانات ونجبدو منهم قيم وزيد جزء التاريخ نعرفو مثلا عمر العينة باستعمال الكربون 14 ولا التاريخ الغير عضوي لي نستعملو فيه انوية واحد اخرى مثلا نعرفو عمر صخرة عمرة القمر عمر بركان بحيرة ما غلى ذلك وثان كاينة نوعية التمارين تتناول الجانب الطبي خطر الانوية نستعملوها في Radiothérapie مثلا اليود ولا الكوبالت الجزء الثاني تاع الطاقة نقراو تفاعلات الانشطار والاندماج ثان ونزيد نعرفو الطاقة المحررة من تفاعلات النووية ونقيسو نسبتها ونقارنوها بمثلا طاقة البترول ولا الغاز خطر الفيزياء هو علم لي يحول المفاهيم المجردة ويسقطها على الواقع ويخليك تقارن هاذي هي أهم أفكار الوحدة الوحدة هاذي فيها حسابات بقيم كبيرة بزاف وصغيرة بزااف صعيب شوية استعمال التدوير المهم لازم حل بزااف التمارين باش تتمكنوا

الوحدة الثالثة هل الكهرباء مقسمة ل قسمين جزء مكثفة وجزء وشيعة جزء المكثفة والمكثفة هي البطارية تدرس على طورين الشحن والتفريغ نخدموا بزااف بالتوتر نعرفوا التيار التوتر السعة ونخدمو معادلات تفاضلية بيانات وهكذا نفس الشيء بالنسبة للوشيعة وندرسوها على طورين ظهور التيار واختفاؤه نخدمو بزاف هنا بالتيار وحدة ممتعة ساهلة لي قاريين تقني هندسة كهربائية اكيد رايحة تجيهم ساهلة اسئلتها باينة متحتاجش مجهود ولا طرق صعيبة للحل

الوحدة الرابعة الاحماض والاسس نفس الشيء في الكيمياء هنا التفاعل غير تام خطر يتم في اتجاهين الحمض يتفاعل مع الاساس والنواتج يخي ان حمض واساس يتفاعلو مع بعض بصح كاين حالة اسمها حالة التوازن هذي مقريناهش العام لي فات الوحدة هاذي فيها بزااف العلاقات ادربوا عليها مليح وكيما قتلكم نفس اسئلة الروتينية تاع الكيمياء بصح هنا مكانش متفاعل محد وتقدم اعظمي نحسبوه حنا احيانا نديرو حالة نظرية وحالة تجريبية حالة نظرية نقولو كاين اكس ماكس وحالة تجريبية كاين اكس فينال ومنها نحسبو طو وابت التوازن وما الى ذلك رايحين تطرقو ليهم بالتفصيل هذي برك بعض وش رايحين تلقاو وكاين ثاني جزء معايرة باستعمال جهاز ph حاجة جديدة مقريتوهاش العم لي فات وتقراوثاني سلم الصفات الغلبة وما الى ذلك وحدة تحتاج خدمة صح وانا لقيتها هي منقولش صعيبة بصح فيها خدمة تجنبو الاسئلة المكررة و شوفو تمارين الاستاذ قزوري صح فيهم خدمة

الوحدة الخامسة ميكانيك
الوحدة الممتعة اصعب شعبة وانا جاتني الاهم فيها خطر فيها تقدري تعرفي المعنى الحقيقي تاع علم الفيزياء وتقدر تميز تسقط النتائج تاوعك في الواقع مثلا سرعة كرة في الزيت متقدرش تكون 65كلم في الثانية وهكذا ا كل حاجة فيها منطلقة من القانون الثاني لنيوتن لي يقول مجموع القوى يساوي الكتلة في التسارع تقاروعلى انواع السقوط الحقيقي والحر ثاني شيء تقراوعلى القذيفة والحركة على المستوي الافقي والمائل توظفو المفاهيم القديمة تاوعكم والمفاهيم تاع العام لي فات كيما مبدأ انحفاظ الطاقة تخدمو معادلات تفاضلية كيما الوحدة تاع الكهرباء تتعلموحاجة هوالتسارع وهو مشتق السرعة تتعاملو بالمنحنيات وثان في هذي الوحدة تبداو تخدموبالتكامل عكس الاشتقاق تكونو مزلتو موصلتوش ليه في الرياضيات بصح تتلعموتكاملو دوال بسيطة منهم تجبدو المعادلات الزمنية للحركة ومعادلات المسار ....
جزء ثاني وهو الاقمار الصناعية الكواكب اسهل حاجة اسئلة الدرس هي نفسها اسئلةالتمارين عندك اربع قوانين ساهلين تحفظيهم تخرجيهم من علاقة وحدة وفي هذي الحاجة تقراو قوانين كبلر ومن بينهم انو الكواكب تدور في مسارات اهليجية بيضوية بصح حنا نعتبروهم حركة دائرية منتظمة
حاجة جديدة خاصة بالرياضي تقراو حدود ميكانيك نيوتن تقراو حركة الالكترونات في الذرة كيفاش بلي ميخضعوش للقانون نيوتن وعندهم قوانين خاصة مثلا يقوللك شحال تحتاج هذي الذرة طاقة حركية باش تتشرد وهكذا وحدة تمارين تاعها هايليلن بصح مطيحش كامل
الوحدة استرة تستعلمو الحمض الكروكسيلي والكحول يعطوك استر وماء والعكس اماهة اسئلتها باينين وكل حاجة تتعلق بنوعية الكحول المستعمل مثلا كحول اولي يكون المردو تاعو 67 بالمئة والثابت التوازن تاعو 4 وهكذا ونقراو ثاني كيفاش نحسنو في السرعة والمردود تاع التفاعل وكاين ثان جزء التصبن تحتاجوتتذكرو كيفاش كنتو ديرو التسميات لي قريتوهم هذا العام تاع الكيمياء العضوية حاجة خفيفة ادو طله عليهم
كاين هنا العمدة لا علاقة لهم بهذي الوحدة بصح دخلوهم معاهم نفس الفكرة تاع المصعد والمهبط لي كنا نقراوهم في 4 متوسط تسما اكسدة ارجاع وهنا الطاقة الكيميائية تتحول لكهربائية وحدة ساهلة اسئلة مكررة تاع كل تمرين انصحكم بالتمارين المغربية رائعة يفصلو فيها شوية بصح رايحين تفهموها مليح
الوحدة السابعة اهتزازات منقسمة لوحدتين اهتزازات كهربائية والاخرى ميكانيكية الميكانيكية تقراو على النواس البسيط الافقي هذا للعلميين والنواس الشاقولي للرياضي هنا تقراو الاهتزازت الحرة الغير متخامدة تكون ماكنش احتكاك الاهتزازة تجي متساوية ومتخامدة فيها قوى احتكاك تبدى تنقص و الحرجة تكون قوة الاحتكاك كبيرةبزااف
والكهربائية دارة فيها وشيعة ومكثفة نفس وش كاين انواع الانظمة الاهتزازية بصح متعلقة بالمقاومة كلما تزيد يزيد التخامد
في الاعوام لي فاتو كانو يديرو لكل وحدة تمرين مستقل 5 وتمرين تجريبي للرياضي والتقني و4 وتمرين تجريبي للعلمي
هذا العام دمجو الوحدات بدخلك كهرباء مع اهتزازات نووي مع قمار اكسدة ارجاع مع اعمدةوهكذا كنا متخوفين منهم بصح الدمج هذا مغيرش نوعية الأسئلة التي تطرح





 السبت 05 مايو 2018, 15:12
عضو مشارك
عضو مشارك
طبيبة زينب

الجنس : انثى
المشاركات : 378
تقييم المستوى : 51


افتراضيرد: نظرة شاملة حول برنامج الثالثة ثانوي في جميع المواد ~ اشبال بكالوريا 2018

:39_20e3:
الرياضيات
المادة الوحيدة التي قد مرايح تقراها مركش رايح تمل منها قد منقوللكم شحال هايل البرنامج والكتاب المدرسي ليس مبالغة بصح صح لي يحب الرياضيات ولو بجزء بسيط رايح يوافقني

الوحدة الاولى الدوال العددية تسما تقراو وش راكم قرايين العام لي فات دوال كثير حدود الناطقة الصماء دوال مثلثية كامل قارينهم وقريتو كيفية دراستهم النهايات الاشتقاقية التغيرات رسم المنحنيات المناقشة البياينة كيفية رسم منحنى دالة انطلاقا من دالة اخرى هذو كامل لازم تراجعوهم في الصيف استذكروهم خطر لازم تمرو عليهم بالخف خطر البرنامج طويل نوعا ما ولازم تمشو فيه وننصحكم بحالات عدم التعيين اخدمو عليهم
الوحدة الثانية تقراو الدالة الاسية اللوغاريتيمية النيبيرية واللوغ العشري حوايج جديدة بصح نفسها مثلا الدوال المرجعية السابقة ونفس طريقة الدراسة حاجة عادية تحتاج تركيز خدمة وحل اكبر عدد من الدوال ونظن انو هي الاسهل خطر مستحيل سبع نقاط في الباك متقدرش تحلهم على الاقل كاش نهاية ولا الاشتقاق يعني مستحيل تبدا دالة تخرج خاوي اليدين
حاجة ننصحكم بيها ادرسو الدوال لي فيها الوسيط m متخلعكمش بصح صح ملاح خطر ثماك تتعلموالمنطقية في المناقشة ودراسة الدوال

الوحدة الثانية للرياضيين والتقني ارووع ما يكون صح هنا يبان التلميذ الرياضي ليستحق هذا الاسم ولا لالا وحدة تخليك تخدم بمنطق نتعاملو مع الاعداد الطبيعية والنسبية يعني مستحيل تلقاو كسر ولا عدد بالفاصلة فيها براهين بزااف مقسمة لثلاث اجزاء القسمة في z الموافقات والاعداد الاولية اتذكر جيدا انو العلمي كانو يضحكو علينا ويقولولنا راكم تقراو في المضاعفات و pgcd ولكن الوحدة ليست بهته البساطة متضخموهاش في نفس الوقت لا تستهينوا بها ابدا حاولو العطلة تاع الشتاء تحلو اكبر عدد من التمارين وتبحثوا على الافكار الملاح استاذنا ثان هنا قرانا شوية المنطق الرياضي خطر نستعملوه في البرهنة

الوحدة الثالثة الهندسة في الفضاء نفس وش قريتو العام لي فات ما عدا جزء المقاطع نذكر في السنة الثانية نهار لي قرينا مقاطع في المجسمات كنت نهبط راسي في الطاولة ومنرفعوش طريقة حل الاسئلة تسما تتحفظ لا تحتاج مجهود كبير برك في مجموعات النقاط وثان كيما الدوال تمارين التي تحتوي على الوسيط m

الوحدة الرابعة هي الاعداد المركبة نولو نخدمو في حلقة اوسع فوق الاعداد الحقيقية وهي الاعداد المركبة يعود كاين i مربع هو -1 ومن هنا نولو نحلومعادلات الدلتا تاعها سالب وزيد فيها شوية من الزوايا المثلثية والصولح تاوع العام لي فات والتحويلات النقطية حاجة تجيكم غريبة في البداية لكن مبعد هي الاسهل
الوحدة الخامسة متتاليات والبرهان بالتراجع قريتوهم العام لي فات تعقبو عليهم مرور الكرام خطر ميعودش عندكم وقت صح البرهان بالتراجع كاين لي مقراهمش هو طرريقة للبرهنة تبرهني على الرتبة الاولى والاخيرة n+1 وهنا تعمي الخاصية على كامل الرتب

الوحدة السادسة تكامل عكس انا حقيقة دوخت روحي فيه وعقدت حليت تكاملات صعاب بطرق تاع الجامعة على بيها لقيتو صعب ولكن هو محور هايل اصعب بقليل من الاشتقاقية ولكن ممتع هنا يبان ثاني الطالب الرياضي ( ميش معناها العلمي يلقاه صعيب ولا ميخدمش فيه ) انتبهو لحاجة الحسابات والاشارة انا كنت زعمة ندير حسابات هوائية برك بصح متوصلش
ركزو ركزو ركزو ناكد عليها ونزيد

الاحتمالات ديما مطيحش جاية من الخير نفس وش قرينا العام لي فات فقط الحوايج لي كنا نخدموهم بالشجرة الاحتمالات تكون بقوانين باينة افهوبرك فكرةالتمرين على واش مركزة ولازم تعرف وش رايح توظف اي قانون ثلا سحب بارجاع ولا بدون ارجاع وهكذا ..



 السبت 05 مايو 2018, 15:13
عضو مشارك
عضو مشارك
طبيبة زينب

الجنس : انثى
المشاركات : 378
تقييم المستوى : 51


افتراضيرد: نظرة شاملة حول برنامج الثالثة ثانوي في جميع المواد ~ اشبال بكالوريا 2018

:896:
العلوم
بخصوص العلوم انا رياضية العلوم كانت بسيطة نقراو مجال واحد مشترك مع العلميين ومجال تسما ثقافة عامة

المجال الاول منقسم لثلاث وحدات
الوحدة الاولى تاع تركيب البروتين تقراو بلي النمط الظاهري ماهو الا صورة على المعلومة الوراثية لي كاينة في النواة ومنا تبدا فكرة تركيب البروتين كاين الترجمة والنسخ حاجة اسهل وحدة عند العلميين
الوحدة الثانية هي البنية وعلاقتها بوظيفة البروتين هنا بعد ما شفنا كيفاه تركب البروتين يدي بنيات مختلفة تقراوهم وهذي الاختلاف لي في البنية رايح يؤدي لاختلاف الوظيفة المهم هذي هي الفكرة تاع الوحدة
الوحدة الثالثة انزيمات يقراوها العلميين
الوحدة الرابعة هي المناعة نقراوها مع العلميين نفس وش قاريين في 4 متوسط نتوسع فيهم برك ونوصلو حنا شعبة الرياضيات لنقطة كيفية اختيار نمط الاستجابة اما بائية ولا تائية وهاذي منقراوهاش ومبعد نقراوم معاهم مرض السيدا وحدة ممتعة جدا راكم عندكم فكرة مسبقة عليها

ومبعد يقراوالعلميين اتصال عصبي و التنفس والتخمر وقيل والتركيب الضوئي بصح كفكرةوالله لا اعرف ماذا درسوا

حنا الرياضي نطولو فيهم كنا نحلوتمارني حصة ندوها غي رسم مخططات يعني الوقت يكفي وزيادة

المجال الثاني للرياضيين طاح مرة فقط في الباك 2009
نقراو على البيئة فيها شوية مفاهيم حفظ ومبعد نقراو الاحتباس الحراري وطبقات الاوزون بصح ليست كيما الجغرافيا نقراوها شوية من جانب علمي منحنيات تحليل تفسير تجارب غالبا ما يقراوهش بصح وحدة مليحة لي يهتمو بالبيئة



 الأربعاء 15 أغسطس 2018, 15:51
عضو جديد
عضو جديد
ضيوف وسنغادر

الجنس : انثى
المشاركات : 14
تقييم المستوى : 0


افتراضيرد: نظرة شاملة حول برنامج الثالثة ثانوي في جميع المواد ~ اشبال بكالوريا 2018

بارك اللله فيك ريحتيني
مي انا شعبة علوووم وصلت للعلوم فشلت





الرد السريع




الانتقال السريع

الساعة الآن
المنتدى غير مسؤول عن أي إتفاق يتم بين الأعضاء
التعليقات المنشورة لا تعبر عن رأي منتدى المسيلة الجزائري ولا نتحمل أي مسؤولية قانونية حيال ذلك ( ويتحمل كاتبها مسؤولية النشر )