السلام عليكم ورحمة الله وبركاته
قبل البدا توقفو ....... صلو على رسول الله
استغفرو .....
والآن نبدأ ههه هذه الحصة الثانية معاكم مع إنّو المرة اللي فاتت قلت ما نزيش نقري مي الله غالب زادولي فالسومة خخخخ
اششش ما تبيعونيش 
المهم شدو بلايصكم احكمو الكراريس وانتبهو
هذا هو التمرين اللي رح نطبقو عليه
نشوفو بلي كائن نوع من التمارين يبدأ بجملة كيما هذا التمرين
وهنا عنا حالتين اذا كانو الحدود متعاقبة أو غير متعاقبة (مشخلطة)
مثل ما في الشرح اسفلا وسط حسابي وهندسي بالنسبة اذا كانت الحدود متعاقبة
أنا هنا شديتها بالعربية ممممم اقصد بالدارجة خخخخ سهلت عليا هكاك
وهي :
*في الهندسية : جداء الطرفين يساوي مربع الوسطاني
*في الحسابية : مجموع الطرفين يساوي ضعف الوسطاني
طبعا هذه مبينة في الصورة أعلاه واللي حب يشدها هكا ولا ما حبش نورمال هههههه
نشرع في حل التمرين
هنا كاين عفسة تع الثانية متوسط ..قريتهالكم خخخخ
اللي هي مجموع الحدود هو S
جداء الحدود هو P
في هذي ملاحظة هامة راني كاتبة هام جدا وهو اذا قال السؤال : علاش نكذبو السؤال ما ينطقش هههه
احم .... اذا قال : عين aوb نستعمل المعادلة السابقة
بقية حل التمرين وكاين استوس (مارغرين ماني سي لاستوس ديالي ههه)
أنا لاستوس ديالي هي كي يكون المجهول فالسماء ...قصدي فوق الاس ...واش نديرو ؟؟؟؟ أيا طيف جاوبيني خخخ
ما عرفتيش؟كنت متوقعة ...قاعدة غايسة وين رحتي ؟ رانا فالمنتدى ههه
اممممم سندس أيا عرفتي؟
والو آ ههه بلا بيا واش اديرو ؟ (نتمسخر برك ما تديروش عليا أوكي باش نحي الروتين ونضحكو شوية) اللهم زدني تواضعا ههه
راهي مكتوبة فالسبورة ااااا قصدي فالصورة نركبو الالان على الطرفين ...بالاكو تنساوها
سيد علي وعاشق الفقراء بالاكو تزيدو تقعدو كيف كيف راكم درتولي الفوضى ههه
هذا كان درسنا لنهار اليوم ان شاء الله المرة الجاية نكملو شوية متتاليات وندخلو فالاحتمالات
امممم سونات بكري اليوم هههه
أيا السلام عليكم
ما تبخلوش عليا بدعوة خير ياك راني استاذتكم هههه
الى الملتقى ان شاء الله
لنعرف الجديد في المتتاليات
