اليوم وصفتنا مقرون fumé اممم هدي وصفة اختنا و خالتنا حياة
وحبيت نفيدكم به لانه روووعة في البنة وكتغيير
المقادير
مقرون اي نوع تحبوه انا اليوم اخترت حلزوني
حبة بدنجان كبيرة مشوية على النار ومنقية ومقطعة صغير
طماطم مصبرة
طماطم حمراء رابي
ملح ، فلفل اسود ، فلفل احمر، زيت، ثوم كمية مليحة
التحضير
في قدر نحط الماء والملح والزيت يغلي وكي يغلي ندير المقرون تاعنا يطيب مع التحريك ومدة الطهي شوفوها في ساشي تع المنقرون كل نوع ومدة طيابه لكن على الاكثر 20 د
كي يطيل نصفيه وندير ملعقة زبدة
من جهة اخرى في مقلة او طنجرة نحط زيت وفلفل احمر واسود وملح وطماطم مرابية وملعقة طماطم مصبرة والثوم ونقلوا مليح نضيف نصف كاس ماء والبدنجان المشوي ونخلي الصوص طيب وتعقد
التقديم
اما نحط المقرون في الصحن ونسقي بالصوص
او نخلط في المنقلة المقرون مع الصوص ونخليه دقائق ونطفي الفرن وتقدم مزينة بالمعدنوس
ملاحظة
اللي تحب تضيف اللحم مرحي ماعليش