السلام عليكم و رحمة الله و بركاته
اهلا حرايرنا وشراكم ؟؟؟
عملت لبارح هاذي وصفة البطاطا الشورمة و 0.0 تعجبت من انوا
صحن فرغ تم تم وانا جبتها من النت من عند اختنا الهام ما شاء الله
وحبيت نشاركم بيها تبعوها خطوة بالخطوة و ان شاء الله تكون بنينة
طبخة مميزة و تعد ايضا في رمضان هي مكلفة نوعا ما عند البعض
لكن هناك اشياء يمكنك استبدالها او الاستغناء عنها
لنبدأ على بركة الله
المقادير :
* حبة بصل كبيرة أنا ماكانش عندي عوضتو بالبصل الأخضر
* قطعة اسكالوب يعني نصف صدر دجاجة
* حوالي 1كغ بطاطا أو أكثر قليلا حسب أفراد الأسرة
* 3 فصوص ثوم
* 1 م ك هريسة
* 1 م ك موطارد
* 2 م ك مايوناز
* 2 م ك كرام فراش ( اختياري )
* 1 بيضة
* للبيشاميل : 2 م ك زبدة + 2 م ك فرينة + 3 كيسان حليب + ملح وفلفل اسود + ثوم بودرة + قطعة جبن أبيض .
* التوابل : ملح + فلفل اسود + كمون + فلفل احمر + ثوم بودرة
* الأجبان : جبن أبيض + جبن مبشوراي نوع +كامومبير
* الطريقة :
:23488: - في مقلاة فيها شوية زيت نذبل البصل المقطع ما نحمروش فقط نذبلو مليح.
:32-02: - نضيف الاسكالوب مقطع إلى مكعبات صغار + الثوم مقطع او مرابي
:33_20e3: - نقلي حتان يتحول لون الدجاج من الوردي إلى الأبيض .
:34_20e3: - نضيف الملح ومانكثرش + التوابل : فلفل أسود + كمون ( شوية برك) + ثوم بودرة + رشة خفيفة فلفل احمر .
:35_20e3: - نبقى مرة على مرة نحرك حتى يتقلى مليح الجاج نتاعنا في التوابل ويبدى يأخذ لون.
:36_20e3: - نضيف الموطارد والهريسة ونقلي 2-3 دقائق أخرى .
:37_20e3: - نطفي النار ونضيف المايونيز + الكرام فراش ( إذا ماعندكش كرام فراش ماشي مشكل ) .
:38_20e3: - نقلي البطاطا المقطعة إلى شرائح بدون ملح بلا ما نحمرها هذا مهم.
:39_20e3: - نخلي البطاطا تبرد شوية ونهرسها مليح بفرشيطة .
:896: - نضيف للبطاطا المهروسة بيضة + ملح ( مانكثرش ) + رشة خفيفة فلفل اسود+ رشة ثقيلة ثوم بودرة + رشة خفيفة كمون
:23488: :23488: - نخلط مليح الكل ونشكل كوريات نحشيها بشوية جبن أبيض .
:32-02: :23488: - نحضر البيشاميل نتاعي ونركز انو نضيفلها 1 م ص ثوم بودرة يعطي طعم رائع للطبق نتاعنا . ننتبه البيشاميل لهذا الطبق لازم تكون كمية زاكية وتكون جارية ماشي ثقيلة.
:33_20e3: :23488: - نحط شوية بيشاميل نغطي بيها قاعدة الصينية باش الكريات مايلصقوش .
:34_20e3: :23488: - نستف الكريات في الصينية نتاع الفرن.
:35_20e3: :23488: - نوزع خليط الشاورما فوق الكريات ( ماحطيتمش الشاورما من تحت لأنو تحترق وتلصق في قاعدة الصينية ).
:36_20e3: :23488: - نوزن قطع من الكامومبير انا استعملت كريمة الكامومبير اللي ماعندوش ممكن يحط قطع جبن ابيض مع انو الكامومبير تأثيرو رائع في طعم القراتان .
:37_20e3: :23488: - نصب بيشاميل بكمية وفيرة تغطي كل الطبق وتغمره جيدا .
:38_20e3: :23488: - نوزع جبن مبشور على وجه القراتان وندخلوه للفرن . ما نخليهش يطول لانو كلشي راهو طايب باش مايتحرقش من تحت .
- يقدم بالهناء والشفاء فقط نتعامل مع الكريات برفق كي نجي نسربي باش ما تتفتتش .
هاته الطريقة بالصور :
الآن للكسولات :
- نستف مباشرة البطاطا المقلية شرائح في قاعدة الصينية ونحط فوقها الشاورما ثم قطع الجبن ونصب البيشاميل ونحط الجبن المبشور وندخلها للفرن .
*تطبيقي
جربها الحمد لله صلحتلي
( طـــبخة ذهبية ) وصفة البطاطا شاورما 
