سلااااام صحا فطووووركم ان شااء الله راكم بخييير وعاافية
كملت غريبة الحمص قلت نشاركم فيها
المقادير
500 غ زبدة
400غ سكر ناعم
500غ حمص مرحي ملااحظة كاين لي ميعرفوش الحمص نقولهم راو حمص يتباع مطحون و محمص تلقوه عند لي يبيعو لوازم القاطو قولولو حمص الغريبة فقط
وفرينة حسب الحااجة رشة فاني
التحضيير كاااين بزاااف متصلحش ليهم الغريبة اليوم راح نقلكم السر باه تصلح ولإذن الله تصلح السر كاامل في الزبدة
لازم تشدي علية المارغارين تذوبيها ليلة من قبل و ودخليها فريجيدار
غدو الصباح اثقبيها بصبعك فقط راح يخرج مااء تخلصي منو هذا هو سرهاا التخلص من الماء لي في المارغارين
بعد خلطي زبدة وسكر ناعم قلتصي مليييييح مع رشة الفاني ظيفي الحمص و اخلطي و بعد الفرينة حتى تتشكل عجينة طرية نوعا ماا اطبعيها و طيببها من تحت برك ماشي من فووق اطبعيها خشينة شويا يعني عاالية باه متهبطلكش
كي تخرجيها خليها تبرد براااااحتها في سينية الفرن و بعد نحيها انا زينتها بملمع غذائي وبالصحة والهنااء الصور في المرفق وذا عجبتكم متنسونيش بدعو خيير
غريبة الحمص من يدي ولا اروع+ حلوياتي 
