حلوى مشكلة بعجينة واحدة رائعة كتذوب فالفم تستحق التجربة
مقادير حلويات العيد
نخدمو 250 زبدة بحرارة المطبخ مع كأس او نص سكر كلاصي و 1 فاني و قشور حامضة محكوكة ثم نضيف 2 كيسان من زيت و 5 بيضات نخدمو الكل جيدا ثم نضيف كاس مايزينا جوج خمارات وطحين حسب الخليط العجينة ما تكونش قاصحة تكون رطبة
ونشكلو منها 3 اشكال الشكل الاول كنديرو كورة و ندوزها فبياض بيض او نفندوها فكاوكاو مطحون او نوركو عليها فالوسط بلغطا ديال عصارة الليمون كيف ما واضحة فصورة او ندخلها طيب ملي تنفخ نخرجوها او نوركو عليها عاود او نرجعها تكمل طيابها ملي طيب نعمرو الوسط بالكونفيتور او نرجعوها شوية لفران باش إجمد لكونفيتور او نخرجها
الشكل الثاني كانعملو كويرات منين يطيبو نعملهم في الكونفتور مخلط مع ماء الزهر ونفندوها فالكوك
الشكل الثالث نضيف ليه كاكاو ثم نعملو كويرات ندوزهم فبياض البيض او نفندوها فاللوز محمر او مهرمش او نديرو ليها نفس الشي لدرنا لشكل الأول او بالصحة والراحة كتجي رائعه
حلويات عيد الاضحى 2019 حلويات بنفس العجين و باشكال مختلفة
