تابعونا عبر Facebook
تابعونا عبر Twitter
     





 الأربعاء 24 يوليو 2019, 10:04
[طاقم المشرفات]
[طاقم المشرفات]
أوراسية

الجنس : انثى
المشاركات : 125
تقييم المستوى : 17


افتراضيوصفة جديدة لمقرقشات الوردة حصريا من مطبخ ام اماني

السلام عليكم أخواتي
دائما مع الوصفات البسيطة والاقتصادية جبتلكم اليوم مقرقشات الوردة لكن بمقادير جديدة لان الوصفة القديمة يعملوها 4 كيلات فرينة بكيلة زبدة .
هذا الوصفة تجي هاااايلة وتذوب في الفم يمكن نحضرها في الايام العادية او في الافراح تقدم مع الشاي.

هذا الكمية تقطع حوالي40حبة

المقادير:
500غ فرينة
200غ زبدة او مرقرين بحرارة الغرفة انا استعملت مرقرين لابال
صفار بيضة
رشة ملح
م ص فاني
2م ك خل ابيض
ماء الزهر
حبات لوز او كاوكاو
زيت للقلي
عسل
جلجلانية

نحتاج ايضا الى هذا النوع من لي مول
وصفة جديدة لمقرقشات الوردة حصريا من مطبخ ام اماني I_144610

او هذا النوع
وصفة جديدة لمقرقشات الوردة حصريا من مطبخ ام اماني I_52f910






الطريقة:

في جفنة نحط الفرينة +رشة ملح+الفاني والمرقرين الطرية نبسسها بواسطة الاصابع نضيف صفار البيضة نحرك ونضيف 2م ك خل ونلم العجينة بماء الزهر .


وصفة جديدة لمقرقشات الوردة حصريا من مطبخ ام اماني I_1f9310
انا هنا قسمت العجينة على اثنان نغطي العجينة ونخليها ترتاح على الاقل4 ساعات في الثلاجة ومن الاحسن نحضرها في الليل وفي الصباح نشكلها كيما عملت انا.

في الصباح نبدأ في تشكيل الحلوى
نرش طاولة العمل بشوية فرينة ونحلها بالحلال ماتكونش خشينة باه تطيب من الداخل وماتكونش رقيقة بزاف لانها مبسسة مليح باه ماتتكسرش كي نطيبها وتقولو ام اماني درتها بنا خخخخ
وصفة جديدة لمقرقشات الوردة حصريا من مطبخ ام اماني I_2aa210

ونقطع بلي مول لازم نعمل وردة كبيرة ومتوسطة وزوج صغار
انا استعملت هذا لي مول
وصفة جديدة لمقرقشات الوردة حصريا من مطبخ ام اماني I_2fc910
نحط الوردة الكبيرة ونحط فوقها شوية بياض بيض بالبانسو من بعد الوردة المتوسطة ونخالف البتلاتثم بياض البيض ثم وردة صغيرة ثم بياض البيض ثم وردة صغيرة ودائما نخالف البتلات مانحطهومش في نفس الاتجاه
وصفة جديدة لمقرقشات الوردة حصريا من مطبخ ام اماني I_ab0f10


نرشق حبة لوز في المنتصف حتى مايتفتحوش اثناء القلي وممكن نعوضه بالكاوكاو وكاين لي يرشقهم بحبات قرنفل انا ماننصحكمش به صغير مايحكمش الوردات مليح وممكن يظهر ذوقه في المقرقشات بعد الطهي
غير نرشق حبة اللوز تتفتح الوردة
وصفة جديدة لمقرقشات الوردة حصريا من مطبخ ام اماني I_be7710


نرش بلاطو بالفرينة او نعمل ورق الزبدة ونحط المقرقشات حتى نكمل كل الكمية
نخليها تنشف عدة ساعات باه تحاقظ على شكلها كي نطيبها لانها كيما قلتلكم مبسسة مليح
يعني تنشف كيما نعملو مع الحلويات المعسلة كيما المشكلة وغيرها
وصفة جديدة لمقرقشات الوردة حصريا من مطبخ ام اماني I_5a5110


انا شكلتها في الصباح وخليتها حتى للمساء تنشف
وصفة جديدة لمقرقشات الوردة حصريا من مطبخ ام اماني I_e1ee10
نحط الزيت في مقلاة او كسرونة انا نفضل كسرونة تكون شوية كبيرة نخلي الزيت يسخن مليح من بعد نقص على النارونطيب المقرقشات هكذا تطيب من الداخل وماتبقاش معجنة

حبيت نبهكم انكم تقليو بزوج حبات لان اذا حطيتو بزاف والعجينة مبسسة الزيت راح يفيض ولتفادي ذلك نحط قطرات من الخل في الزيت ونقلي بالزوج
كي تاخذ لون ذهبي نحطها فوق ورق ماص حتى نكمل الكمية
نخليوهم يبردو تمااااما من بعد نعسلهم في عسل مخفف بشوية ماء الزهر لازم يكون شوية ثقيل نحطهم يقطرو
من بعد نرش عليهم شوية جلجلانية ونقدمهم بالصحة والراحة
وهذا شكلهم
وصفة جديدة لمقرقشات الوردة حصريا من مطبخ ام اماني I_479f10
وصفة جديدة لمقرقشات الوردة حصريا من مطبخ ام اماني I_d11b10

وصفة جديدة لمقرقشات الوردة حصريا من مطبخ ام اماني I_08c010
ان شاء الله يكون الشرح واضح وخذيتو بعين الاعتبار الملاحظات حتى تنجحو فيها

ولاتنسوني من صالح الدعاء ولكن بالمثل

في امان الله





الرد السريع




الانتقال السريع

الساعة الآن
المنتدى غير مسؤول عن أي إتفاق يتم بين الأعضاء
التعليقات المنشورة لا تعبر عن رأي منتدى المسيلة الجزائري ولا نتحمل أي مسؤولية قانونية حيال ذلك ( ويتحمل كاتبها مسؤولية النشر )