عضو مشارك   الجنس :  المشاركات : 378 تقييم المستوى : 51  تجربتي بكالوريا 2019 نجاح من رحم الفشل ... سلام ساقدم لكم تجربتي مع باكلوريا الآن بالنسبة للغات الانجليزية مادة سهلة متعتمدش على اتقانك اللغة وانما ادراكك القواعد لي فيها اكثر ولي مممن تلخص الاساسيات لي فيها في ورقة ولا زوج هذا مكان بالنسبة اذا كنت ضعيف في المادة عندك كل ما ديرو قاعدة حاول تطبق عليها امثلة هذا ما كان وحل الاسئلة لي عليها في البكالوريات السابقة رح تتمرن عليها آلياا بالنسبة لمواضيع الانجليزية رح تلقى نص واسئلة عليه كل ما تحتاجه هو قراءة جيدة للنص وتجاوب على الاسئلة مبعد تلقى اسئلة تع sounds والا ترتيب واكيد القواعد لي قلتلكم عليهم الوضعية الادماجية رح تكون بالاختيار الموضوع الاول يعطوك مساعدات كلمات وحوايج ونتا تكون فقرة في هذه الحالة رح يحاسبوك على كلش على تصريف الافعال وعلى الربط بين الكلمات وعلامات الترقيم والهيكلة تع الفقرة حسب الموضوع (رسالة ..الخ) رح تتطرقولهم ان شاء الله وتعرفوا الانماط تع النصوص مليح الموضوع الثاني تع الفقرة ميعطيكش مساعدات فقط يكتبلك الموضوع ونتا تكتب وهذا النوع للناس لي تعرف تعبر هو لي يجيب نقاط اكثر اذا فهمت السؤال لانو الكلمات كامل من عندك معاونك في والو المراجع بالنسبة ليا قريتها من كراسي ومتعبتش عليها كامل تقريبا قريتها اخر شهر برك لكن مرجع المراجعة النهائية يقولوا مليح حل مواضيع البكالوريات السابقة باه تعرف الطريقة كيفاش الفقرة الكلمات لي توظفوهم رح تكونوا اكتسبتوهم خلال العام ننصحكم من الاول ديروا كناش واجمعوا فيه اكبر كلمات مشهورة خاصة بكل مجال واشرحوهم باه يرسخولكم وتوظفوهم في الوضعية ادوكهم الكلمات المفتاحية #الفرنسية نفس الشي مادة سهلة مفيهاش قواعد بزاف تاني قريتها من كراسي برك في الاخير اهم حاجة هي الوضعية تاني اختيارية :الموضوع الاول هو le compte rendue رح يكون من خلال النص فيه جزاين المقدمة توظف فيها ما يلي : Le titre...le type ...le nom de l,auteur ..la source...le but..le théme الجزء الثاني تبداه ب selon l,auteur وتدير فيه شبه تلخيص للنص هذا يلجا اليه التلميذ في حالة تاكده من فهم النص ننصحكم اذا كنتي مكش متاكد انك فاهم النص مليح متريسكيش بيه باه متخرجش على الموضوع الموضوع الثاني وضعية اختيارية تاني على حاجة معينة ضرك نصيحتي ليكم المواظبة عليهم منن بداية العام اقراوهم بجدية في الاسبوع ديما خصصولهم وقت معين المهم متهملوهمش نتمنى نكون افدتكم ولو بالقليل بالتوفيق الآن مادة الفيزياء هي المادة المرعبة للجميع لكن بالعكس هي بسيطة تحتاج دراستها بذكاء يعني منطقيا يجب فهم الدروس ونقول ونعاود فلكلاسة اليوتيوب وليكوغ خليهم آخر حل اذا مفهمتي والو في القسم ولا ضرر ان تستعين بهما يعني الاساس انك الدرس تكون فاهمو نقطة بنقطة وابقى سقسي كشتا الف مرة المهم تفهم كلش ثانيا حل التمارين لازم تحل وتنوع خاصة تنوع الفايدة مش في العدد في الافكار لي اكتسبتيهم متبقاش تعاود في نفس الوقت ادي افكار من تمارين مختلفة على قد متقدر ثالثا المراجع أفضل مرجع بالنسبة لي هو المغني سواء من حيث ملخصاته لكل وحدة يعني تراجع منو عادي بعد ما تكملوها ومن حيث التمارين اضافة للبكالوريات السابقة لشعب مختلفة مرجع رائع ومفيد جدا الكتاب المدرسي تمارينو صعبة لكن فيه افكار مميزة ومفيد لدرجة كبيرة المراجعة المستمرة لما سبق يعني حتى بعد ما تكمل وحدة لازم مين داك ترجع تحل تمرين ولا زوج عليها لتفادي النسيان نحي من بالك انها صعبة لانو اذا اقنعتي نفسك بيها مراحش تفهمها أنا بسبب رعبي من القذيفة في الباك غلطت خطا تااافه درت زاوية في قذف افقي بويسك ضللونا بيها في التمرين راحلي اكثر من نصف التمرين فيها وديت 14.5 مالقغي كنت ممتازة في هذي المادة خصوصا :broken_heart::broken_heart: استفادوا من أخطائي اكثر :heart: بالتوفيق مادة الرياضياات مادة مهمة واهميتها لا تقل عن متعتها وستصبح سهلة إذا أحببتها تعتمد كذلك على الفهم الجيد للدروس أولا البداية مع الدوال في البداية تتطرقون للدوال التقليدية المعروفة لديكم اضافة للدالة الجذرية ودالة ال cos و sin ثم الى دوال جديدة ألا وهي الأسية ثم اللوغاريتم كذلك مع التمرين والمتابعة تصبح سهلة محور المتتاليات تبدؤون من مكتسباتكم مع اضافات خفيفة لا تقل سهولة محور الاحتمالات سيصبح جد سهل اذا ما ركزت في صياغة التمرين وتتطرقون فيها الى التوفيقات والترتيبة وغيرهاا... ثم الاعداد المركبة جد جد سهلة وممتعة ومن ثم الفضاء يحتاج الى تركيز عمييق ودون ان ننسى الدوال الاصلية وهي سهلة والتكامل وحساب المساحات عموما البرنامج سهل كل ما تحتاجه هو تكثيف التمارين وخاصة تنويعها وستصبح تتقنها بشكل آلي المراجع أنصحكم بالكتاب المدرسي نصحنا به الاستاذ لانه يتطرق من السهل للصعب والذي اعتمدته شخصيا مرجع المشرق الازرق راائع فيه بكالوريات اجنبية وكذلك سلاسل الاستاذ وسلاسل تع ليكووغ بالنسبة لليوتيوب لم الجا اليه الا نادرا وخير استاذ هو الاستاذ نور الدين بالتوفيق جميعا مادة العلووم مادة جد مهمة خاصة للعلميين معاملها 6 دروسها عموما سهلة لكنها طويلة تحتاج الحفظ الجيد طبعا مع الفهم لان التمارين اجوبتها تعتمد الحفظ طبعا بعد فهم السؤال والمنهجية بالنسبة للمنهجية تكتسب من خلال حل التمارين الحديثة لان المنهجية جديدة المراجع المفيدة انصحكم اولا بعدم اهمال الكتاب المدرسي لانه الاساس وهضم وثاائقه تتكرر من حين لآخر في اسئلة البيانات الملخصات من المستحسن انو يكون خاص بيك يعني بعد نهاية الوحدة يستحسن عمل ملخص لها خاص بك مرحع أجمد امين خليفة تمارينو ملاح لكن في الحل مدوا للاساتاذة يصححولكم خير حقيبة بوالريش فيها تمارين رائعة وبالتوفيق:blush::blush:
| ||||||||||||||||||||