اهلا بك معك طالبة متفوقة في بكالوريا 2018 و 2019
حسنا اهم مراجع ذكرتها في موضوع مستقل وايضا تجربتي
وكذالك تجارب اخرين انصحك بعدم اكثار المراجع كي لا تختلط عليك
واهم من هذا عليك ادراك اسرار كل مادة واهمها تعامل مع ذاكرة

متخلطوش بزاف مراجع واساتذة اليوت يوب بيسك كل واحد وطريقته ومنهجيته وراح تتلفلكم كامل تبعو استاذ القسم ومنبعد استاذ الكور
بالنسبة للمواد العلمية ننصحكم بليكور فلفيزيا ورياضيات مع انجاز تمارين الكور قبل ماتفتحوهم عند الاستاذ وتحاولو فيهم بزاف وتكتبو بزاف ملاحظات في كراس منظم وخاص بكل مادة
(مثلا: اشتقاق دالة تكتبها بالدارجة عادي نضرب ونقسم ونطلع ونهبط، مثلا دراسة دالة تشرح كفاه تخدمها، مثلا في المجاميع تع متتاليات تكتب كل مجموع كفاه تخدمو) اكتبو ابسط الملاحظات لي تحسو رواحكم تحتاجوها سيرتو من لحلول تع تمارين بيسك تلقاو بزاف اسئلة وتتكرر وكاين لي متتكررش نظموهم كامل بيسك معا لخر مستحيل راح تعاودو تحلو 200 تمرين راح تراجعو الحلول فقط
حلو بزاف تمارين ومتحلوش التمارين الاجنبية ونتاع المغرب وحلو بكالوربات وامتحانات مراسلة وامتحانات اشبال الامة ورتبو حلولكم ووراقيكم كامل
واخدمو ملخصات لأهم القوانين ونظموهم
(التنظيم هو كلش نا كنت منظمش ولقيت روحي خاسرة )
بالنسبة للعلوم تبعو معا استاذ القسم وحظرو الدرس،بزااااف وحلو تمارين الكتاب وبالنسبة لتحضير الدرس لازم تحلل الوثائق وحدك في الدار وتقرا الدرس مليح وتجاوب على الأسئلة وكلش من الكتاب باه تتعلم المنهجيات وتولي تجري فيها ولازم تحب المواد بيسك ساهلين ومكاش لي ميديش فيهم بالنسبة للمراجع حلو تمارين بوالريش ومتعتامدوش على الحل تاعو مدو لأساتذتكم يصححولكم والبكالوريات السابقة واعتامدو على التركيز ولازم تخدمو وحدكم باه تتعلمو واذا كان استاذك في القسم مليح مديرش لي كور فيها وسقسي الاستاذ لازم كي تحضر درسك اكتب اي اسئلة تحيك في بالك ولو تافهة اي سؤال اكتبو في. مؤخرة الكراس لابغا مهوش مفيد وكي تبع الدرس معا الاستاذ كاين اسئلة تلقا اجابتهم وكاين لي تسقسيه فيهم ووسع خيالك وتخيل كلش لازم الدرس تاكلو في القسم وقبل الفروض والاختبارات لازم تهضم العلوم وأقرا من بزاف ملخصات متعتامدش على الحفض الأصم اكتب وارسم ولون وكأنك تشرح لشخص آخر ودير حركات بيديك واهدر بصوت تسمعو واقرا ملخصات الدروس من كتب ومن نت ومن ملخصات اساتذة كثر بزاف منهم مجرد قراءة والله راح تستفادو

)- الفيزياء:
المغني / المراجعة النهايية/ ليباك جميع الشعب / ڨزوري راه يحط في كل عطلة سلسلة تع مراجعة ديروها تكفي ( اني نهدر على جميع الشعب العلمية )
ديت فيها 18.5 الحمدلله راحلي برك سؤال واحد اللي قالك الحماية ؛الحل.. كنت نسنى اكثر لانو جبت كلشي ، المهم انتوما متخلو والو حتى الحساب كفاه حسبت مام سي تقول اواه باينة ميديروش عليها مي اكتبوا كلشي بالتفصيل ونظموا الورقة .
2)- الرياضيات:
المراجعة النهايية / الكتاب المدرسي فيه دوال في القمة :yellow_heart: / ليسيري تع مصطفاوي( انا جبت ليسيري تع صحبتي عطاتهوملي ملاح وكنت نجيب من ومن (كما الاحتمالات ) /ليباك جميع الشعب / اليوتوب الاستاذ نورالدين ( قريت منو غير احتمالات وبعض المواضيع المقترحة + المناقشة البيانية ) /مجلة الرايد ( في القروب اللي حاطيتو هنا محليتش بزاف غير شوي مع الاستاذ بوسيف روعة الاحتمالات برك اللي شفت بصح تلقاو داير كلشي في اليوتوب )
ديت 17 الحمدلله كنت نسنى 19 غلطت برك سؤال في الاحتمالات سهوا لكن شطبت بزاف على مايبدو تحاسبت عليها لانو سقسيت اساتذة قالولي يلزم ماتشطبطيش بزاف والورقة تكون منظمة
3)- العلوم
كنت نقرا كل نشاط ونشوف الاسيلة مع الجواب كنت نفهم لازم نعاود اللي لازم يتعاود منخلي حتى حاجة كما نقولو لازم الكتاب تاكلوه :sweat_smile: ، المصدر ته العلوم الاساسي هو الكتاب لازم متخلو حتى رسم والو / ليباك / شويا بوريش / احمد امين خليفة ديرو من الجزء الثالث خير المقترحات مدرتش بزاف ديتو17.5 الحمدلله ، نسيت مذكرتش فقط الصخور في النص العلمي للجيولوجيا انا الباقي اللي راح لااعرف :sweat_smile:
راح نكمل الباقي ومع الوقت نحط كفاه تقراو كل مادة :yellow_heart:
هدو المصادر يكفو متزيدوش عليهم غير اذا حبيتو تزيدو كتاب تاشيرة النجاح ولا كاش مرجع مليح بزاف في الرياضيات ، متزيدو تحوسوا ني من ني والو هدو جيبو بيهم علامة كاملة صدقوني :yellow_heart: